تلنگانہ: اولاد نہ ہونے پر نوجوان کی خودکشی

حیدرآباد: تلنگانہ کے نرمل ضلع میں اولاد نہ ہونے سے دلبرداشتہ ہوکر ایک نوجوان نے خودکشی کرلی۔

یہ واقعہ ضلع کے کوبیر منڈل ہیڈکوارٹر کے دھوبی گلی علاقہ میں پیش آیا۔ا س نوجوان کی شناخت31 سالہ سبھاش کے طورپر کی گئی ہے۔ یہ اطلاع سب انسپکٹر پی رویندر نے دی۔

بتایا گیا ہے کہ سبھاش کی شادی کو 6سال ہو چکے تھے لیکن اب تک انہیں اولاد نصیب نہیں ہوئی تھی۔

اولاد نہ ہونے کی وجہ سے وہ ذہنی دباؤ کا شکار ہو گیا تھا اور زندگی سے بیزار ہو کر اس نے اپنے ہی گھر میں ساڑی کے ذریعہ پنکھے سے لٹک کر خودکشی کر لی۔

گھر والوں کی شکایت پر پولیس نے مقدمہ درج کر لیا ہے اور لاش کو پوسٹ مارٹم کے لیے اسپتال منتقل کیا گیا ہے۔