عادل آباد ضلع میں درجہ حرارت 41.8ڈگری درج

حیدرآباد: محکمہ موسمیات کے مرکز نے ہفتہ کے روز کہا کہ آئندہ 72 گھنٹوں کے دوران تلنگانہ کے بعض مقامات پر گرج چمک کے ساتھ آندھی اور تیز ہوائیں چلنے کا امکان ہے، جن کی رفتار 30 تا 40 کلومیٹر فی گھنٹہ ہو سکتی ہے۔

اپنی موسمی رپورٹ میں مرکز نے کہا کہ ریاست کے بعض مقامات پر آئندہ پانچ دنوں کے دوران ہلکی تا اوسط بارش یا گرج چمک کے ساتھ بوندا باندی کا امکان ہے۔

ریاست میں 17 اور 18 اپریل کو موسم خشک رہنے کا امکان ہے۔ ریاست میں اعظم ترین درجہ حرارت 41.8 ڈگری سیلسیس جمعہ کے روز عادل آباد میں ریکارڈ کیا گیا۔