اے پی کے ضلع مشرقی گوداوری میں خوفناک سڑک حادثہ۔چار افراد ہلاک اور 9شدید زخمی

حیدرآباد: آندھراپردیش کے ضلع مشرقی گوداوری میں پیش آئے ایک خوفناک سڑک حادثہ میں چار افراد ہلاک اور دیگر 9 شدید زخمی ہوگئے۔

یہ حادثہ ضلع کی مادیکی قومی شاہراہ کے قریب اُس وقت پیش آیا جب تیزرفتار کار کے ڈرائیور نے اس کا توازن کھودیا اور یہ کار، وین سے ٹکراگئی۔

ذرائع کے مطابق انکاپلی ضلع کے چوڑاورم سے تعلق رکھنے والے 9 افراد مندر کو درشن کے لئے جارہے تھے کہ کار کے ڈرائیور نے اس کا توازن کھودیا او ریہ حادثہ پیش آیا۔

یہ حادثہ اتنا خطرناک تھا کہ وین میں سوار تین مسافرین اور کار میں سوار ایک شخص موقع پر ہی ہلاک ہوگئے۔

زخمیوں کو علاج کے لئے راجہ مہیندراورم کے سرکاری اسپتال منتقل کیاگیا۔پولیس نے اس سلسلہ میں ایک معاملہ درج کرکے جانچ شروع کردی۔