مشرق وسطیٰ کے بہترین ایئرپورٹ
مسقط کے بین الاقوامی ہوائی اڈے نے مسافروں کے لحاظ سے ایک بڑی چھلانگ لگائی ہے اور بہت کم وقت کے دوران اس کی ترقی کی دوڑ میں حیران کن اضافہ سامنے آیا ہے۔
کویت: مشرق وسطیٰ کے بہترین ایئرپورٹس میں مسقط انٹرنیشنل ایئرپورٹ کو 15 سے 25 ملین مسافروں کی کیٹیگری میں شامل کرلیا گیا ہے، جبکہ 20 لاکھ مسافروں کی کیٹیگری میں صلالہ ایئرپورٹ مشرق وسطیٰ کے بہترین ایئرپورٹس کی فہرست میں شامل ہوگیا۔
بین الاقوامی خبر رساں ایجنسی کی رپورٹ کے مطابق ان دونوں ایئر پورٹس نے مشرق وسطی میں سب سے زیادہ وقف عملہ، سب سے آسان سفر، اور صاف ترین ہوائی اڈے کا ایوارڈ اپنے نام کرلیا ہے۔
ائیرپورٹس کونسل انٹرنیشنل نے ٹریول ٹیکنالوجی کمپنی ”Amadeus”کے اشتراک سے جمہوریہ کوریا کے انچیون میں ایک تقریب منعقد کی تھی، جس میں جیتنے والے ہوائی اڈوں کا انتخاب ہوائی اڈے پر جمع کیے گئے مسافروں کے سروے کی بنیاد پر کیا جاتا ہے۔
مسقط کے بین الاقوامی ہوائی اڈے نے مسافروں کے لحاظ سے ایک بڑی چھلانگ لگائی ہے اور بہت کم وقت کے دوران اس کی ترقی کی دوڑ میں حیران کن اضافہ سامنے آیا ہے۔
عمان کے ایئر پورٹس، سول ایوی ایشن اتھارٹی، وزارت ثقافت اور سیاحت اور رائل عمان پولیس کے نمائندے اپنے شراکت داروں کے تعاون سے، سلطنت عمان کو سیاحت کے نظام کو بڑھانے کے لیے ایئر لائنز اور ٹریول کمپنیوں کو مراعات کا ایک سلسلہ فراہم کرنا چاہتے ہیں۔
مسقط بین الاقوامی ہوائی اڈے کے ایگزیکٹو نائب صدر اور عمان کے ہوائی اڈوں کے قائم مقام چیف آف آپریشنز سعود بن ناصر الحبیشی کا اپنے بیان میں کہنا ہے کہ یہ عمدہ کارکردگی دونوں ہوائی اڈوں پر کام کرنے والے تمام اداروں کے اسٹریٹجک شراکت داروں کے تعاون کے باعث ممکن ہوئی ہے۔
