سل فون پھٹ پڑا۔ٹریکٹرکے الٹ جانے سے نوجوان زخمی

حیدرآباد: سل فون پر بات کرنے کے دوران سل فون پھٹ پڑا جس کے نتیجہ میں ٹریکٹر بے قابو ہوکر الٹ گئی۔

اس واقعہ میں ٹریکٹرچلانے والا شدیدزخمی ہوگیا۔یہ واقعہ تلنگانہ کے ضلع ورنگل میں پیش آیا۔

تفصیلات کے مطابق ضلع کے پروت گری منڈل میں روی نامی شخص ٹریکٹر کو مرمت کے لئے لے جارہا تھا کہ سل فون پر بات کرنے کے دوران یہ اچانک پھٹ پڑا۔

جس کے ساتھ ہی روی نے اپنے ٹریکٹرکا توازن کھودیا اور یہ ٹریکٹر الٹ گیا۔

اس واقعہ میں وہ ٹریکٹر سے گرکرشدید زخمی ہوگیا۔

اس کو علاج کیلئے اسپتال منتقل کیاگیا۔فون کے پھٹنے کی وجہ معلوم نہ ہوسکی۔