سرکاری لوگو سے چارمینار کی تصویر ہٹانے کے فیصلہ سے عوام میں بے چینی

حیدرآباد: سابق رکن اسمبلی ونئے بھاسکر نے کہا کہ عوام میں چارمینارکی تصویر کو حکومت کے سرکاری نشان سے ہٹا دینے حکومت کے فیصلہ پر بے چینی پائی جا رہی ہے۔

آج یہاں میڈیا سے بات کرتے ہوئے انہوں نے حکومت سے اس فیصلہ سے فوری طور پر دستبرداری اختیار کرنے کا مطالبہ کیا۔انہوں نے کہا بہ صورت دیگر ورنگل سے بڑے پیمانے پر حکومت کے خلاف تحریک شروع کی جائے گی۔

انہوں نے کہا کہ کاکتیہ کلا تورانم کی ایک طویل تاریخ ہے۔ ریونت ریڈی پر تلنگانہ کی تاریخ بدلنے کی سازش کرنے کا الزام لگاتے ہوئے ونئے بھاسکر نے کہا ریونت ریڈی نے یہ فیصلہ آندھرا قائدین کے حکم پر کیا ہے۔

انہوں نے کہا کہ اس اوچھی حرکت کا مقصد انتخابی وعدوں سے عوام کی توجہ ہٹانا ہے جو کانگریس نے انتخابات کے دوران کئے تھے اور اب کانگریس ان وعدوں پر عمل کرنے سے قاصر ہے۔

انہوں نے کہا کہ چارمینارکی تصویر کو ہٹانا مسلمانوں کے جذبات کو ٹھیس پہنچانے کے مترادف ہے۔