اے پی کے نئے گورنر جمعہ کو ذمہ داری سنبھالیں گے

حیدرآباد: آندھراپردیش کے نامزد گورنرعبدالنذیر ریاست پہنچ گئے۔کل شب ان کا ایرپورٹ پر وزیراعلی وائی ایس جگن موہن ریڈی نے استقبال کیا۔سپریم کورٹ کے سابق جج، عبدالنذیر جمعہ کویہ نئی ذمہ داری سنبھالیں گے۔

چیف منسٹر نے ان کو گلدستہ پیش کرتے ہوئے ان کااستقبال کیا۔حال ہی میں صدرجمہوریہ دروپدی مرمو نے کرناٹک سے تعلق رکھنے والے عبدالنذیر کو اس تلگوریاست کا گورنر مقرر کیاتھا جبکہ اے پی کے موجودہ گورنر وشوابھوشن ہری چندن جن کا تعلق اوڈیشہ سے ہے، کو چھتیس گڑھ کاگورنر بنایاگیاہے۔