حق رائے دہی کا استعمال مذہب، ذات اور لالچ سے بالاتر ہوکر رضاکارانہ طور پر کیا جانا چاہیے:وکاس راج

حیدرآباد: تلنگانہ کے چیف الکٹورل آفیسر وکاس راج نے کہا ہے کہ تمام کو ووٹ کے حق کا استعمال کرنا چاہے۔تلنگانہ میں 30نومبر کو چھٹی کا دن نہیں ووٹنگ کا دن ہے۔انہوں نے زوردیتے ہوئے کہا کہ حق رائے دہی کا استعمال مذہب، ذات پات اور علاقہ کے لالچ سے بالاتر ہوکر رضاکارانہ طور پر کیا جانا چاہیے۔

 ووٹ کے حق کے بارے میں بیداری پیدا کرنے کے لیے حیدرآباد کے گچی باولی علاقہ میں ”آو ووٹ دیں“پروگرام منعقد کیاگیا جس میں چیف الکٹورل آفیسر وکاس راج، ڈی جی پی انجنی کمار، سابق ڈی جی پی مہیندر ریڈی، ‘”لیٹس ووٹ“تنظیم کے بانی جے اے چودھری اور کئی دوسرے افرادنے حصہ لیا۔

اس موقع پر میڈیا سے بات کرتے ہوئے ڈی جی پی انجنی کمار نے تمام سے خواہش کی کہ وہ 30نومبر کو رائے دہی کے دن اپنی ریاست،ملک کیلئے محبت کا اظہار کریں اورووٹ کا استعمال کریں۔