حیدرآباد کے گوشہ محل میں سڑک زمین میں دھنس گئی

حیدرآباد: شہرحیدرآباد کے گوشہ محل، چاکناواڑی علاقہ میں نالہ پر ڈالی گئی سڑک اچانک زمین میں دھنس گئی۔

منگل کی شب پیش آئے اس واقعہ سے مقامی افراد میں خوف پھیل گیاتاہم اس واقعہ میں کسی کے زخمی ہونے کی کوئی اطلاع نہیں ملی ہے کیونکہ رات میں ٹریفک کی آمدورفت نہیں تھی جس کی وجہ سے بڑاواقعہ ٹل گیا۔

یہ نالہ پلائی ووڈ کی دکانات کے سامنے سے گذرتا ہے۔مقامی افراداورپولیس وہاں پہنچ گئی۔مقامی افرادنے کہاکہ یہ نالہ کافی قدیم ہے جس کے سبب اس پر ڈالی گئی سڑک زمین دوزہوگئی۔

کل پیش آئے اس واقعہ کے مقام سے تقریبا 200میٹر کی دوری پر اسی طرح نالہ کی سڑک، قبل ازیں بھی زمین دوزہوگئی تھی۔اطلاعات کے مطابق گریٹرحیدرآبادمیونسپل کارپوریشن، اس واقعہ کی وجہ معلوم کرنے کی کوشش کررہا ہے۔