تلنگانہ میں پنچایت انتخابات کا دوسرا مرحلہ 14 دسمبر کو ہوگا

حیدرآباد: تلنگانہ میں پنچایت انتخابات کا دوسرا مرحلہ 14 دسمبر کو ہوگا۔ ریاستی الیکشن کمیشن نے دوسرے مرحلہ کی پولنگ کے لئے تمام تیاریاں مکمل کر لی ہیں۔ اس مرحلہ میں باقی ماندہ اضلاع کی پنچایتوں کے لئے پولنگ ہوگی۔

اس مرحلہ میں لاکھوں رجسٹرڈ ووٹرس اپنے پنچایت سربراہان اور وارڈ ممبران کو منتخب کرنے کے لئے اپنا حق رائے دہی استعمال کریں گے۔

پرامن اور آزادانہ انتخابات کو یقینی بنانے کے لئے تمام پولنگ اسٹیشنوں پر سیکیورٹی کے سخت انتظامات کئے گئے ہیں۔ حساس اور انتہائی حساس پولنگ مراکز پر اضافی پولیس فورس تعینات کی گئی ہے۔

پولنگ صبح 7:00 بجے شروع ہو کر شام 5 بجے تک جاری رہے گی۔

ووٹوں کی گنتی بھی پولنگ ختم ہونے کے فوراً بعد کل شام ہی شروع ہونے کا امکان ہے اور نتائج کا اعلان رات گئے کیا جائے گا۔