ٹرین کے انجن کا پہیہ اچانک ٹوٹ گیا۔مسافرین محفوظ۔ بڑاحادثہ ٹل گیا
دوسری جانب میڑچل ضلع کے گھٹکیسر ریلوے اسٹیشن کے قریب ایک افسوسناک واقعہ پیش آیا جہاں پٹری عبور کرنے کے دوران ٹرین کی زد میں آکر 58 سالہ خاتون بالامنی موقع پر ہی ہلاک ہوگئی۔
حیدرآباد: تلنگانہ کے کریم نگرضلع کے مدی پلی گاؤں کے قریب ہسارایکسپریس ایک بڑے حادثہ سے بال بال بچ گئی جب ٹرین کے انجن کا پہیہ اچانک ٹوٹ گیا۔
اس تکنیکی خرابی کے باعث ٹرین کل شب دو بجے سے وہیں رک گئی جس کے بعد ریلوے حکام نے دوسرے انجن کی مدد سے ٹرین کو ہنمکنڈہ ضلع کے اپل اسٹیشن منتقل کیا۔
اس واقعہ کے پیش نظر احتیاطی طور پر دکشن ایکسپریس کو کملا پور منڈل کے اپل میں روک دیا گیا اور ریلوے عملہ ہسارایکسپریس کی مرمت میں مصروف گیا۔اس واقعہ کے بعد مسافرین میں خوف دیکھاگیا جنہوں نے اس واقعہ پر شدید فکرمندی کااظہارکیا۔
دوسری جانب میڑچل ضلع کے گھٹکیسر ریلوے اسٹیشن کے قریب ایک افسوسناک واقعہ پیش آیا جہاں پٹری عبور کرنے کے دوران ٹرین کی زد میں آکر 58 سالہ خاتون بالامنی موقع پر ہی ہلاک ہوگئی۔
مقام واقعہ سے ملنے والے آدھار کارڈ کے ذریعہ پولیس نے اس خاتون کی شناخت یادادری بھونگیر ضلع کے بومل رامارم منڈل سے تعلق رکھنے والی بالامنی کے طور پر کی ہے۔ ریلوے پولیس نے مقدمہ درج کر کے لاش کو پوسٹ مارٹم کے لیے منتقل کر دیا ہے اور واقعہ کی تحقیقات شروع کر دی گئی ہیں۔
