خاتون کی پولیس سے ’سکون‘ ڈھونڈنے کی درخواست، پولیس نے آج تک کچھ ڈھونڈ کر دیا ہے؟ دلچسپ انداز میں جواب
ٹوئٹر پر ایک خاتون کی جانب سے پولیس سے ’سکون‘ ڈھونڈنے کی درخواست کی گئی ہے۔ اس ٹویٹ میں خاتون نے ممبئی پولیس کو ٹیگ کرتے ہوئے لکھا کہ اُن کا سکون گم ہو گیا ہے جسے ڈھونڈنے کیلئے وہ پولیس اسٹیشن جا رہی ہیں۔
دہلی: سوشیل میڈیا ویب سائٹ ایکس (ٹوئٹر) پر اکثر سرکاری اداروں اور پولیس کی جانب سے شہریوں کو دلچسپ جوابات موصول ہوتے رہتے ہیں۔
ٹوئٹر پر ایک خاتون کی جانب سے پولیس سے ’سکون‘ ڈھونڈنے کی درخواست کی گئی ہے۔ اس ٹویٹ میں خاتون نے ممبئی پولیس کو ٹیگ کرتے ہوئے لکھا کہ اُن کا سکون گم ہو گیا ہے جسے ڈھونڈنے کیلئے وہ پولیس اسٹیشن جا رہی ہیں۔
ویدھیکا آریا نامی خاتون اپنی ٹویٹ میں لکھتی ہیں کہ ’پولیس اسٹیشن جا رہی ہوں، سکون گم گیا ہے میرا۔‘
اس ٹویٹ کے جواب میں ممبئی پولیس نے بھی دلچسپ انداز میں جواب دیتے ہوئے کہا کہ ’ہم میں سے بہت سے لوگ سکون کی تلاش میں ہیں۔‘ ممبئی پولیس نے اپنی ٹویٹ میں لکھا کہ ’مس آریا، ہم میں سے بہت سے لوگ سکون کی تلاش میں ہیں۔
ہم اس بات پر آپ کے ممنون ہیں کہ آپ نے ہم پر اعتبار کیا اور ہمیں یقین ہیں کہ آپ روح میں سکون کو محسوس کریں گی۔ کسی اور مسئلے کیلئے آپ بے شک ہمارے پاس آ سکتی ہیں۔‘
اس کے علاوہ ممبئی پولیس نے دلچسپ انداز میں ہیش ٹیگ استعمال کرتے ہوئے لکھا کہ ’ممبئی کیلئے سکون یقینی بنا رہے ہیں۔
‘ خاتون کی ٹویٹ کے جواب میں ٹوئٹر صارف آلاس پن نے لکھا کہ ’پولیس نے آج تک کچھ ڈھونڈ کر دیا ہے؟‘ ممبئی پولیس کی جانب سے اُردو کے الفاظ خوبصورتی سے استعمال کرنے پر ایک صارف نے مزاحیہ انداز میں لکھا کہ ’جاوید اختر اپنی آئی ڈی سے آؤ۔‘
