تلنگانہ کے عادل آبادٹاون میں چوری کی واردات

حیدرآباد: تلنگانہ کے عادل آباد ٹاون میں نارائنا انکلیو میں چوری کی واردات پیش آئی ہوئی۔ ملزمین نے تقریباً 28 لاکھ روپے کے زیورات اور نقدی کی چوری کرلی۔

کالونی کے رہنے والے جی کومرئیا اتوار کی شام 7.50 بجے قریبی درگا ماتا منڈپ گئے اور آدھے گھنٹے کے بعد گھر واپس آگئے۔

اس دوران ان کے گھر کے تالے توڑ کر 11 لاکھ روپے نقد رقم، 20 تولے طلائی زیورات اور 35 تولے چاندی کے زیورات کی چوری کرلی گئی۔

کومرئیا کی شکایت پر پولیس نے اس سلسلہ میں ایک معاملہ درج کرلیا اور مقام واقعہ کا تجزیہ کرتے ہوئے شواہد جمع کئے۔پولیس نے چوروں کی تلاش شروع کردی۔