کرناٹک میں سرکاری بس ٹرک سے ٹکرائی ، تین ہلاک

کاروار: کرناٹک کے کاروار ضلع کے ییلا پور میں ہفتہ کو اسٹیٹ ٹرانسپورٹ کارپوریشن کی بس کے ایک کھڑے ٹرک سے ٹکرا جانے سے تین لوگوں کی موت ہوگئی اور سات مسافر زخمی ہوگئے۔

پولیس ذرائع کے مطابق باگل کوٹ سے منگلورو جا رہی بس اتنابیل کے قریب ہائی وے پر کھڑے ٹرک سے ٹکرا گئی۔ مرنے والوں میں دو خواتین بھی شامل ہیں، جن کی شناخت نیلاوا (38) اور گوریجاوا (43) کے طور پر ہوئی ہے۔

تیسرے کی ابھی تک شناخت نہیں ہوسکی ہے۔ زخمیوں کو علاج کے لیے ہبلی کے کے آئی ایم ایس اسپتال میں داخل کرایا گیا ہے۔

پولیس نے مقدمہ درج کر لیا ہے اور حادثے کی وجہ جاننے کی کوشش کر رہی ہے۔