سڑک حادثہ میں ایک ہی خاندان کے تین لوگوں کی موت

نرسنگھ پور: مدھیہ پردیش کے نرسنگھ پور ضلع میں سڑک حادثہ میں ایک ہی خاندان کے تین افراد کی موت ہو گئی۔

پولیس ذرائع نے آج یہاں بتایا کہ نرسنگ پور-گوٹیگاؤں جبل پور روڈ پر تھانہ تھیمی علاقہ کے مانیگاؤں کے قریب دیر رات ایک نامعلوم گاڑی نے کار کو ٹکر مار دی۔

اس واقعہ میں کار میں سفر کر رہے اوکار اگروال اپنے دو بیٹوں سنجے اور سندیپ اگروان کے ساتھ موقع پر ہی ہلاک ہو گئے۔

دوسری جانب کار میں سوار ہنی اور یش اگروال کو تشویشناک حالت میں جبل پور کے ایک نجی اسپتال میں داخل کرایا گیا ہے۔

بتایا گیا کہ جبل پور کا رہائشی اوکر اگروال (84) اپنے خاندان کے ساتھ اپنی بیٹی سے ملنے کریلی گیا تھا، یہ واقعہ جبل پور واپس آتے ہوئے پیش آیا۔