تین سارق گرفتار، مسروقہ گاڑیاں برآمد

حیدرآباد: چارمینار پولیس نے 3 سارقین کو گرفتار کر کے ان کے قبضہ سے 5 موٹر سائیکلیں برآمد کرلیں۔

چارمینار اسسٹنٹ کمشنر پولیس رودرا بھاسکر نے پریس کانفرنس میں بتایا کہ قاضی گلی کے عبداللہ خان اور محمد محمود خان اور محمد عمران خریدار بتائے جاتے ہیں۔

محمد عبداللہ خان نے 5 مختلف مقامات سے گاڑیوں کا سرقہ کیا تھا۔ ملزم کو پُرتعیش زندگی گزارنے کا شوق تھا۔

ملزم اور خریداروں کو گرفتار کرنے کے لئے اہم رول ادا کرنے والوں میں چارمینار انسپکٹر کے چندر شیکھر بھی شامل ہیں۔