دیوار گرنے سے تین مزدوروں کی موت، ایک زخمی

جے پور،: راجستھان کے جالور ضلع کے سائلا تھانہ علاقے کے پوشانا گاؤں میں گورنمنٹ ہائیر سکینڈری ا سکول میں زیر تعمیر دیوار گرنے سے تین مزدوروں کی موت ہوگئی جبکہ ایک دیگر زخمی ہوگیا۔

پولیس نے بتایا کہ گورنمنٹ ہائیر سکینڈری ا سکول میں تعمیر کا کام چل رہا تھا جہاں آج اس کی بنیاد کی کھدائی کے دوران قریب میں بنی ہوئی دیوار اچانک گر گئی اور مزدور اس کے نیچے دب گئے۔

واقعے میں موہن راؤ، بھیر راؤ اور بیر مار راؤ کی موت ہوگئی جبکہ جگدیش زخمی ہوگیا۔ حادثے کے بعد موقع پر افرا تفری مچ گئی۔

مقامی لوگوں اور دیگر مزدوروں نے ملبے میں دبے تمام مزدوروں کو باہر نکالا۔ تمام مزدور باڑمیر ضلع کے بتائے جا رہے ہیں۔ اس کے ساتھ ہی پولیس معاملے کی تحقیقات کر رہی ہے۔