تلنگانہ کے نرمل ٹاون میں تیندوے کی موجودگی سے سنسنی

حیدرآباد: تلنگانہ کے نرمل ٹاون میں تیندوے کی موجودگی سے سنسنی پھیل گئی۔

مقامی افراد نے اس جنگلی جانورکو دیکھ کر اس سلسلہ میں محکمہ جنگلات کے عہدیداروں کو چوکس کیا۔

اس بات کی اطلاع کے بعدٹاون کے بنگال پیٹ کے حدود میں محکمہ جنگلات کے عہدیداروں نے پٹرولنگ شروع کردی۔

انہوں نے مقامی افرادسے خواہش کی کہ وہ چوکس رہیں۔گاندھی چوک، نائیڈو واڑہ،بنگال پیٹ کے عوام میں خوف پایاجاتا ہے۔محکمہ جنگلات کے عہدیداروں نے کہا کہ رات تقریبا 9 بجے دو تیندوے مقامی افراد نے دیکھے۔

محکمہ جنگلات کے عہدیداروں نے مقامی عوام سے خواہش کی کہ وہ رات کو گھروں سے باہر نہ نکلیں۔