تروملا میں تیندوا اور ریچھ کی موجودگی سے سنسنی

حیدرآباد: آندھراپردیش کے تروملا میں ایک اورمرتبہ تیندوانظرآیاجس سے درشن کیلئے آنے والے افراد میں ہلچل مچ گئی۔

لوگوں کاکہنا ہے کہ یہ تیندواکہاں سے آیا،انہیں پتہ نہیں۔

تروملاتروپتی دیواستھانم(ٹی ٹی ڈی) کے عہدیداروں نے شردھالوووں کو اس خصوص میں چوکس رہنے کا مشورہ دیا ہے۔نرسمہاسوامی مندر کے حدود میں تیندوے کے ساتھ ساتھ ریچھ بھی نظرآیا۔

اس بات کی اطلاع محکمہ جنگلات کے عہدیداروں کو دے دی گئی۔گذشتہ تین دنوں سے اس علاقہ میں تیندوا اور ریچھ نظرآرہا ہے۔ٹی ٹی ڈی نے سیکوریٹی عہدیداروں کو بھی چوکس رہنے کی ہدایت دی ہے۔