مدینہ منورہ میں گرج چمک کے ساتھ موسلا دھار بارش

مدینہ منورہ:مدینہ منورہ اور اس کے گرد ونواح میں گرج چمک کے ساتھ موسلا دھار بارش ہوئی ہے باران رحمت برسنے کے بعد موسم سرد ہو گیا ہے۔ غیر ملکی میڈیا کے مطابق مدینہ منورہ اور اس کے اطراف میں گرج وچمک کے ساتھ موسلا دھار بارش ہوئی ہے۔ باران رحمت کے برسنے سے موسم سرد ہو گیا ہے جب کہ عمرہ زائرین اور مقامی افراد نے بارش پر اللہ تعالیٰ کا شکر ادا کیا ہے۔

سعودی محمکہ موسمیات نے مملکت کے مختلف علاقوں میں مزید بارشوں کی پیش گوئی کی ہے۔ موسمیات کے قومی مرکز نے بارشوں سے قبل تیز اور گرد آلود ہواؤں کے چلنے جبکہ ریاض، رماح، ثادق، مرات، المزاحمیہ، الحریق، الخرج اور حوطہ بنی تمیم میں جمعے اور ہفتے کو بارش کی پیشگوئی کی ہے۔