مشرق وسطیٰ

اسرائیلی ٹرک سے 80 فلسطینیوں کی نعشیں برآمد، اعضا بھی چرالئے گئے

فلسطینی حکام کا کہنا ہےکہ لاشوں کی بے حرمتی کی گئی، لاشوں سے اعضا بھی چرائے گئے جبکہ لاشیں کن فلسطینیوں کی ہیں اور یہ سب لوگ کیسے مرے، اس بارے میں کچھ بھی نہیں بتایا گیا۔

تل ابیب:اسرائیل سے ایک ٹرک میں 80 فلسطینیوں کی لاشیں برآمد کی گئیں۔ غزہ میں اسرائیل کے بھیانک جرائم جاری ہیں اور میڈیا رپورٹس میں بتایا جا رہا ہے کہ اسرائیل سے ایک ٹرک میں 80 فلسطینیوں کی لاشیں جنوبی غزہ لائی گئیں۔ میڈیا رپورٹس کے مطابق 80 فلسطینیوں کی لاشوں کی غزہ کے علاقے رفح میں اجتماعی تدفین کر دی گئی۔

متعلقہ خبریں
اسرائیلی حملہ میں لبنان میں 20 اور شمالی غزہ میں 17 جاں بحق
لٹیرا گرفتار‘9.5 لاکھ روپئے برآمد جوبلی ہلزپولیس کی کاروائی
روسی صدر کی مشرق وسطیٰ میں تنازعات کے خاتمے میں مدد کی پیشکش
غزہ میں اسرائیل کی شدید بمباری, عمارتیں ڈھیر
غزہ میں 80 فیصد علاقہ تباہ، کوئی جگہ محفوظ نہیں، حالات ناقابلِ بیان

فلسطینی حکام کا کہنا ہےکہ لاشوں کی بے حرمتی کی گئی، لاشوں سے اعضا بھی چرائے گئے جبکہ لاشیں کن فلسطینیوں کی ہیں اور یہ سب لوگ کیسے مرے، اس بارے میں کچھ بھی نہیں بتایا گیا۔

دوسری جانب غزہ کے رہائشی علاقوں پر گزشتہ 24 گھنٹوں میں اسرائیلی فوج نے 100 سے زائد حملے کرکے مزید 240 سے زائد فلسطینیوں کو شہید کر دیا۔

خان یونس میں بے گھر فلسطینیوں کی پناہ گاہ فلسطینی ہلال احمر کے ہیڈکوارٹر پر بھی بمباری کی گئی، اسرائیلی بمباری سے ہلال احمر ہیڈکوارٹرز میں متعدد شہادتوں کی بھی اطلاعات ملی ہیں۔

اس کے علاوہ اسرائیلی جارحانہ حملوں کے ردعمل میں فلسطینی مزاحمت تنظیم حماس کے جوابی وار بھی جاری ہیں، اسرائیلی فوج نے مزید 2 فوجیوں کی ہلاکت کی تصدیق کر دی۔

واضح رہے 7 اکتوبر سے اب تک اسرائیلی وحشیانہ بمباری سے 20 ہزار 977 سے زائد فلسطینی شہید ہو چکے ہیں، جبکہ 54 ہزار 536 افراد زخمی ہوئے ہیں، شہدا اور زخمیوں میں نصف سے زائد تعداد صرف بچوں اور خواتین پر مشتمل ہے۔