آندھراپردیش میں ٹرین پٹریوں پر سے اترگئی

حیدرآباد: آندھراپردیش میں ایک ٹرین پٹریوں پر سے اترگئی تاہم اس واقعہ میں کسی کی ہلاکت یا کسی کے زخمی ہونے کی کوئی اطلاع نہیں ملی ہے۔

ذرائع کے مطابق کل شب وشاکھاپٹنم۔بھوانی پٹنم پاسنجرٹرین کی دوبوگیاں وجیانگرم ضلع کے کوتہ ولسا کے قریب اچانک پٹریوں پر سے اترگئیں۔

اس حادثہ کے وقت ٹرین کی رفتار کے کم ہونے کے سبب کوئی بھی جانی یا مالی نقصان نہیں ہوا۔

اس واقعہ کی اطلاع کے ساتھ ہی ریلوے کے عہدیدار وہاں پہنچے جنہوں نے اس کی مرمت کرتے ہوئے ٹرین کو اس کی منزل کی طرف روانہ کردیا۔