اے پی کے سابق وزیراعلی این ٹی راما راو کو برسی کے موقع پر خراج

حیدرآباد: متحدہ آندھراپردیش کے سابق وزیراعلی وتلگودیشم پارٹی کے بانی این ٹی راما راو کی برسی کے موقع پر ان کے ارکان خاندان نے ان کو بھرپورخراج پیش کیا۔

شہرحیدرآباد میں این ٹی آرگھاٹ پہنچ کر ان کے فرزند بالاکرشنا رکن اسمبلی تلگودیشم کے ساتھ ساتھ پوتے جونیر این ٹی آراوردیگر ارکان خاندان نے ان کی سمادھی پر پھول نچھاورکئے اور متحدہ آندھراپردیش کے عوام کے لئے ان کی خدمات کو یاد کیا۔