ترک صدر رجب طیب اردوآن کا قرآن کی بے حرمتی پر دو ٹوک موقف

انقرۃ: ترک صدر رجب طیب اردوآن نے قرآن کی بے حرمتی کے واقعات پر واضح بیان میں کہا ہے کہ ہم سویڈن کی نیٹو میں شمولیت کی مخالفت کرتے رہیں گے۔

تفصیلات کے مطابق سویڈن میں قرآن کریم کی بےحرمتی کے خلاف دنیا بھر میں احتجاج کا سلسلہ جاری ہے، بنگلہ دیش اور سعودی عرب نے سویڈن کے سفیر کو طلب کرکے احتجاج درج کرایا۔

ترک صدر رجب طیب اردوآن نے قرآن کی بےحرمتی کے واقعات کواسلام مخالف نفرت انگیز مہم کا حصہ قرار دیتے ہوئے واضح کیا ہے کہ ان کا ملک سویڈن کی نیٹو میں شمولیت پرمخالفت برقرار رکھے گا۔

ترک صدر کا کہنا تھا کہ قرآن پاک کی بے حرمتی آزادی اظہار نہیں بلکہ اسلام مخلاف منظم نفرت انگیز مہم ہے، جس کا آغاز کرائسٹ چرچ میں مسجد پرحملے سے ہوا تھا۔

دوسری جانب سوئیڈش پولیس نے قرآن کی مخالفت میں مظاہروں کی درخواستیں مسترد کر دی ہیں، عدالتوں نے اس فیصلے کو یہ کہتے ہوئے مسترد کر دیا کہ ان مظاہروں سے آزادی اظہار رائے کی خلاف ورزی ہوتی ہے۔