شادی سے دو دن پہلے ہونے والا دلہا سڑک حادثہ میں ہلاک۔تلنگانہ کے ورنگل میں واقعہ

حیدرآباد: شادی سے دو دن پہلے ہونے والا دلہا سڑک حادثہ میں ہلاک ہوگیا جس کے بعد دونوں خاندانوں میں غم کی لہردوڑ گئی۔

یہ واقعہ تلنگانہ کے ضلع ورنگل میں پیش آیا۔

تفصیلات کے مطابق ورنگل شہر کے رامنا پیٹ سے تعلق رکھنے والے دیورکونڈا ساگر کی اس ماہ کی 12 تاریخ کو شادی مقرر تھی۔

گھر والوں نے ساگر کی شادی کے تمام انتظامات مکمل کر لیے ہیں۔

شہر کے نرملا مال کے قریب بائک پر سڑک عبور کرتے وقت ساگر کو ایک اور تیز رفتار بائیک نے ٹکر دے دی۔

اس حادثہ میں وہ موقع پر ہی ہلاک ہوگیا۔ اس واقعہ کی اطلاع کے ساتھ ہی دلہااور دلہن کے مکانات میں شادی کی خوشیاں ماند پڑگئیں۔