عمر انصاری کو گرفتاری سے تحفظ، سپریم کورٹ کا فیصلہ

نئی دہلی: سپریم کورٹ نے جمعرات کے روزجرائم پیشہ سے سیاستداں بنے مختار انصاری کے لڑکے عمر انصاری کو ایک فوجداری کیس میں گرفتاری سے تحفظ فراہم کیا۔

یہ کیس 2022 کے اسمبلی انتخابات کے دوران مثالی ضابطہ اخلاف کی مبینہ خلاف ورزی پر ان کے خلاف درج کیا گیا تھا۔

جسٹس رشی کیش رائے اور جسٹس پی کے مشرا پر مشتمل بنچ نے الٰہ آباد ہائی کورٹ کے فیصلہ کو چیلنج کرتے ہوئے داخل کی گئی ان کی درخواست پر حکومت ِ اترپردیش کو ایک نوٹس جاری کردی۔

سینئر ایڈوکیٹ کپل سبل‘ انصاری کی طرف سے پیش ہوئے۔ انہوں نے بتایا کہ اصل ملزم کو اس معاملہ میں باقاعدہ ضمانت منظور کی گئی ہے۔