غیر محسوب اثاثہ جات کیس، اے سی بی نے اے سی پی کو تحویل میں لے لیا

حیدرآباد: تلنگانہ اے سی بی نے چہارشنبہ کے روز غیر محسوب اثاثہ جات کیس میں پوچھ تاچھ کیلئے اسسٹنٹ کمشنر آف پولیس (اے سی پی) ٹی ایس اوما مہیشور راؤ کو حراست میں لے لیا۔

راؤ، جو حیدرآباد میں سنٹرل کرائم اسٹیشن (سی سی ایس) میں اکنامک آفینس ونگ میں برسر خدمت تھے، کو 22مئی کو14دنوں تک عدالتی تحویل میں دے دیا گیا۔

اس کیس میں مزید پوچھ تاچھ کیلئے اے سی بی، راؤ کو10دنوں تک تحویل میں لینا چاہتا تھا مگر عدالت نے اوما مہیشور راؤ کو 3دنوں تک اے سی بی کی تحویل میں دے دیا۔

انسداد رشوت ستانی محکمہ،راؤ سے غیر محسوب دولت کے بارے میں مزید جانکاری حاصل کرنا چاہتا ہے۔

اینٹی کرپشن بیورو کے عہدیداروں نے اوما مہیشورراؤ اور ان کے رشتہ داروں اور دوستوں کے مکانات پر بیک وقت دھاوئے کرنے کے بعد 22مئی کو گرفتار کرلیا تھا۔