وسط مدتی انتخابات تک ایران پر حملہ نہیں کرے گا امریکہ: ٹرمپ

واشنگٹن: امریکہ کے صدر ڈونالڈ ٹرمپ نے جمعرات کو کہا کہ امریکہ میں 3 نومبر کو ہونے والے وسط مدتی انتخابات سے پہلے ایران پر کوئی حملہ نہیں کیا جائے گا۔ انہوں نے کہا کہ ایران کے ساتھ ‘تعمیری بات چیت’ جاری ہے۔

مسٹر ٹرمپ نے سوشل میڈیا پر جاری ایک بیان میں کہا کہ ایران اقتصادی اور فوجی طور پر ‘بہت خراب حالت’ میں ہے اور اس کے خلاف ناکہ بندی پوری طرح مؤثر رہے گی۔

انہوں نے کہا کہ آبنائے ہرمز سے ریکارڈ مقدار میں تیل گزر رہا ہے۔ ان کے مطابق صرف گزشتہ رات 2.2 کروڑ بیرل تیل آبنائے ہرمز سے گزرا اور اس میں ایک بھی بیرل ایران سے نہیں آیا اور نہ ہی ایران گیا۔

مسٹر ٹرمپ نے کہاکہ ”ہم امریکہ میں 3 نومبر کو ہونے والے وسط مدتی انتخابات سے پہلے کسی بھی وقت ایران پر حملہ نہیں کریں گے۔”

انہوں نے کہا کہ ایران کے پاس جوہری ہتھیار نہیں ہوگا۔

مسٹر ٹرمپ نے کہا کہ امریکہ اور ایران کے درمیان تعمیری بات چیت جاری ہے، تاہم انہوں نے اس کے بارے میں تفصیلی معلومات نہیں دیں۔