گوگل کمپنی کے نائب صدرنے وزیراعلی تلنگانہ ریونت ریڈی سے ملاقات کی

حیدرآباد: گوگل کمپنی کے نائب صدرچندرشیکھرتوٹا نے وزیراعلی تلنگانہ ریونت ریڈی سے ملاقات کی۔

ذرائع کے مطابق وزیراعلی کی قیامگاہ پر ہوئی اس خیرسگالی ملاقات میں اس تلگوریاست میں سرمایہ کاری کے مسئلہ پر بات چیت ہوئی۔چندرشیکھرنے حکومت تلنگانہ کے ساتھ مل کرکام کرنے کے بارے میں بھی بات چیت کی۔

انہوں نے وزیراعلی سے کہا کہ مصنوعی ذہانت سے ہر شعبہ میں تبدیلی ہوگی۔وہ زراعت، تعلیم اورصحت کے شعبوں میں ڈیجیٹل ایجنڈہ کو ترقی دینے کے لئے شراکت کیلئے پُرجوش ہیں۔

انہوں نے کہاکہ گوگل،وسیع ٹکنالوجی اورمہارت کی حامل کمپنی ہے جس کے ذریعہ تلنگانہ کے شہریوں کی ضروریات کی تکمیل ہوسکے گی۔

وزیراعلی نے گوگل میاپس اورگوگل ارتھ پلیٹ فارمس کے استعمال کے ذریعہ روڈسیفٹی کی بہتری پر بھی بات چیت کی۔س موقع پر ریاستی وزرا کومٹ ریڈی وینکٹ ریڈی اورسریدھربابو بھی موجود تھے۔