ویڈیو: سڑک پر بوڑھی خاتون کی بری طرح پٹائی، جانئے کیا ہے پورا معاملہ
اس معاملہ کی جانکاری دیتے ہوئے ایڈیشنل سپرنٹنڈنٹ آف پولیس درگا پرساد تیواری نے بتایاکہ یہ معاملہ بانسڈیہاروڈ تھانے کی بگھی گاؤں کا ہے۔ اس واقعہ کی ویڈیو وائرل ہوگئی جس میں ایک شخص ایک بوڑھی عورت کو بری طرح پیٹ رہا تھا۔
بلیا: اترپردیش کے بلیا میں ایک بوڑھی عورت کی بری طرح پٹائی کردی گئی۔ اس خاتون کا قصور صرف یہ تھا کہ اس نے پانی کی ٹانکی سے اپنے لئے ایک پائپ جوڑ لیا تھا تاکہ گھر تک پانی پہنچایا جاسکے۔
اس بات پر برہم گاؤں کے غنڈوں کو بوڑھی عورت کی یہ بات پسند نہیں آئی اور اُنہوں نے اس بوڑھی خاتون کی بری طرح پٹائی کردی۔
یہ واقعہ بانسڈی ہروڈ تھانہ علاقہ کے بگھی گاؤں کا ہے۔ تفصیلات کے مطابق بوڑھی خاتون پانی کی ٹانکی سے پانی کی سپلائی کیلئے پائپ لگارہی تھی کہ اُس بوڑھی عورت کو ایسا کرنے پر اُسے بری طرح مارا پیٹا گیا۔
اس واقعہ کی ویڈیو سوشل میڈیا پر وائرل ہوگئی۔ ویڈیو وائرل ہونے کے بعد پولیس حرکت میں آگئی اور مقدمہ درج کرلیا گیا۔ پولیس نے 2 افراد کیخلاف مقدمہ درج کرلیا ہے۔ وائرل ویڈیو 15 فروری کا بتایا جارہا ہے۔
اس معاملہ کی جانکاری دیتے ہوئے ایڈیشنل سپرنٹنڈنٹ آف پولیس درگا پرساد تیواری نے بتایاکہ یہ معاملہ بانسڈی ہروڈ تھانے کی بگھی گاؤں کا ہے۔ اس واقعہ کی ویڈیو وائرل ہوگئی جس میں ایک شخص ایک بوڑھی عورت کو بری طرح پیٹ رہا ہے۔
درگا پرساد تیواری نے مزید کہاکہ جیسے ہی اس واقعہ کی اطلاع ملی، متاثرہ خاتون سے تفصیلات حاصل کرنے کے بعد متعلقہ دفعات کے تحت مقدمہ درج کرلیا گیا۔ پولیس کی ٹیم ملزم کی گرفتاری کی کوشش کررہی ہے۔
ایک ملزم کو حراست میں لے کر پوچھ تاچھ کی جارہی ہے۔ جو بھی ملزم قصور وار پایا جائے گا اُس کی گرفتاری ہوگی۔ پتہ چلا ہے کہ پانی ک پائپ لائن پر پڑوسی کے ساتھ جھگڑا ہوا۔ دو افراد کیخلاف مقدمہ درج کرلیا گیا ہے۔
