اتراکھنڈ کے 100 بلدیاتی انتخابات کے لیے ووٹوں کی گنتی شروع

دہرادون: اتراکھنڈ میں 25-2024کے مقامی بلدیاتی اداروں کے عام انتخابات کے لیے پہلے سے طے شدہ شیڈول کے مطابق، ریاست کے تمام 100 اداروں میں ہفتہ کو صبح 8:00 بجے ووٹوں کی گنتی شروع ہو گئی۔

اہلکار کڑی نگرانی میں بیلٹ بکس کھول رہے ہیں اور مختلف میزوں پر بیلٹ پیپرز کے بنڈل بنا رہے ہیں۔

اس دوران سکیورٹی کے پختہ انتظامات کے ساتھ ساتھ ووٹوں کی منصفانہ گنتی کے لیے مبصرین بھی تعینات کیے گئے ہیں۔

ریاستی الیکشن کمیشن کے مطابق ریاست میں کل بلدیاتی انتخابات کے لیے ووٹوں کی گنتی کے لئے 54 ووٹنگ مراکز قائم کیے گئے ہیں۔ ووٹوں کی گنتی کے لیے کل 6366 اہلکار تعینات کیے گئے ہیں۔