عمران خان کی چوتھی بیوی بننا چاہتی ہوں: جیا خان

لندن: لندن میں مقیم خاتون جیا خان نے پاکستان کے سابق وزیر اعظم اور پی ٹی آئی کے چیئرمین عمران خان سے محبت کااظہار کرتے ہوئے ان کی چوتھی بیوی بننے کی خواہش کر ڈالی۔

جیو نیوز کے مطابق لندن میں ابرار الحق کے کانسرٹ میں شریک جیا خان نے صحافی سے بات کرتے ہوئے عمران خان کو شادی کی پیشکش کی۔انہوں نے کہا کہ میں عمران خان کی شادی تڑواکر ان کی چوتھی بیوی بننا چاہتی ہوں۔

خاتون نے کہا کہ یوکے میں میرے لیے رشتوں کی لائن لگی ہوئی ہے لیکن میں ابھی تک سنگل ہوں کیوں کہ میں نے صرف عمران خان سے شادی کرنی ہے ، اگر عمران خان مجھ سے شادی کرلیں تو ہم دونوں ایک اچھی زندگی گزار سکتے ہیں۔

جیا خان کا کہنا تھا کہ عمران خان ایک بہادر آدمی ہیں، میں 2 سال سے ان کی محبت میں گرفتار ہوں ۔ عمران خان کی بشریٰ بی بی سے محبت کے سوال پر جیا خان نے کہا کہ ہر مرد کسی دوسری عورت کے آنے سے پہلے ایسی ہی باتیں کرتا ہے، مجھ سے ملنے کے بعد ان کی سوچ بدل جائے گی۔