تلنگانہ کے ناگرجنا ساگرپراجکٹ میں پانی کی سطح میں ہر گھنٹے اضافہ

حیدرآباد: تلنگانہ کے ناگرجنا ساگرپراجکٹ میں پانی کی سطح میں ہر گھنٹے اضافہ ہو رہا ہے۔ بالائی علاقوں سے آنے والے پانی کی وجہ سے آبی سطح مسلسل بڑھ رہی ہے اور اب یہ پانی کرسٹ گیٹس کو چھو رہا ہے۔

ناگرجنا ساگر پراجکٹکی مکمل سطح پانچ 590فٹ ہے، جبکہ موجودہ سطح548 فٹ تک پہنچ چکی ہے۔ اُدھر آبی ذخیرہ سری سیلم کو تقریباً ایک لاکھ 40ہزار کیوسک پانی کا بہاؤ جاری ہے، جس کے تحت بجلی کی پیداوار کے ساتھ ساتھ کرسٹ گیٹس کے ذریعہ ایک لاکھ کیوسک پانی باہر چھوڑا جا رہا ہے۔

اس کے نتیجہ میں ناگرجنا ساگر کو 65ہزار کیوسک پانی موصول ہو رہا ہے۔ گذشتہ روز تک جاری بائیں نہر کے ذریعہ پانی کی فراہمی کو بھی فی الحال روک دیا گیا ہے۔

فی الوقت حیدرآباد کے پینے کے پانی کی ضروریات کے لیے صرف 1100 کیوسک پانی جاری کیا جا رہا ہے، اس کے علاوہ کسی قسم کا آؤٹ فلو نہیں ہے۔ حکام سیلاب کی صورت حال پر مسلسل نظر رکھے ہوئے ہیں۔