ماہ صیام کا آغاز، مرکزی رویت ہلال کمیٹی کا اعلان

حیدرآباد: مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہ رمضان المبارک زیرنگرانی مولانا سیدحسن ابراہیم حسینی قادری سجادپاشاہ معتمد صدرمجلس علماء دکن آج شام حسینی بلڈنگ معظم جاہی مارکٹ میں منعقد ہوا۔

شہر حیدرآباد میں مطلع صاف تھا‘چاند نظر آگیا نیز اسی طرح ملک کے بیشتر مقامات سے بھی عام رویت کی اطلاعات ملی ہیں۔

لہذا تحت احکام شرعیہ مرکزی رویت ہلال کمیٹی صدر مجلس علماء دکن اعلان کرتی ہے کہ 12 مارچ منگل یکم رمضان المبارک ہوگی۔

اجلاس میں مولانا سیدحسن ابراہیم حسینی قادری سجاد پاشاہ معتمد‘مولانا سیدشاہ علی اکبر نظام الدین حسینی صابری‘مولانا سیدشاہ محمودبادشاہ قادری زرین کلاہ‘مولانا سیداولیاء حسینی مرتضی پاشاہ‘

مولانا سید ظہیرالدین علی صوفی‘ مفتی سید صغیر احمد نقشبندی‘مولانا سید آل مصطفی قادری الموسدی علی پاشاہ‘مولانا سید شیخن احمد شطاری قادری کامل پاشاہ‘

مولانا ڈاکٹر سیدعلی حسینی قادری علی پاشاہ‘ مولانا مشہود احمد‘مولانا قطب الدین حسینی‘مولانا سید قادر محی الدین قادری جنید پاشاہ اور قاضی سید نوراللہ فاروق عارفی نے شرکت کی۔