پرانے کپڑوں سے آپ ہزاروں روپے کما سکتے ہیں، برتن والے کو دینے کی ضرورت نہیں، انڈیا میں میں تین نئے پورٹل شروع

نئی دہلی: اب پرانے کپڑوں سے بھی آپ ہزاروں روپے کما سکتے ہیں۔ اب پرانے کپڑے برتن والے کو کم قیمت میں دینے کی ضرورت نہیں رہی، کیونکہ نئے آن لائن پورٹلز کے ذریعہ آپ انہیں بیچ کر اچھی رقم حاصل کرسکتے ہیں۔

اکثر دیکھا جاتا ہے کہ گھروں میں مائیں پرانے کپڑے سنبھال کر رکھتی ہیں اور بعد میں انہیں برتن والے کو دے کر چھوٹے موٹے برتن لے لیتی ہیں لیکن اب ایسا کرنے کی ضرورت نہیں ہے۔ اگر آپ کے گھر میں بھی ایسا ہوتا ہے تو اب اسے روکنے کا وقت آگیا ہے، کیونکہ اب انہی پرانے کپڑوں سے آپ ہزاروں روپے کما سکتے ہیں۔

نئے آن لائن پورٹلز کے ذریعہ پرانے کپڑوں کو ری سائیکل یا ری سیل (Resale) کیا جاتا ہے، جس سے اچھی قیمت مل سکتی ہے۔ آئیے آپ کو بتاتے ہیں کہ وہ کون سے پورٹلز ہیں جہاں آپ اپنے پرانے کپڑے فروخت کر سکتے ہیں۔

ری-کامرس (Re-commerce) کے نئے پلیٹ فارمز Freeup، Gletot اور Etashee پرانے فیشن آئٹمز، بیگز اور دیگر اشیا فروخت کرنے کی سہولت فراہم کر رہے ہیں۔ یہ ایپس خراب یا پھٹے ہوئے کپڑوں کے بجائے اچھی حالت میں موجود کپڑوں کو براہِ راست خریداروں تک پہنچا کر فروخت کرنے کا موقع دیتی ہیں۔

اسمارٹ بازار ایکسچینج

اس سروس کے ذریعہ آپ اپنے پرانے کپڑے اور اخبار لا کر فی کلو کے حساب سے ایکسچینج کوپن حاصل کر سکتے ہیں، جسے بعد میں خریداری کے دوران استعمال کیا جا سکتا ہے۔

Freeup، Gletot اور Etashee

یہ پلیٹ فارمز ری سیل کے لیے بنائے گئے ہیں۔ آپ اپنے کپڑوں کی تصاویر اپ لوڈ کر کے انہیں ان پورٹلز پر لسٹ کر سکتے ہیں اور براہِ راست رقم کما سکتے ہیں۔

اچھی قیمت ملنے کا امکان

پرانے مگر اچھی حالت میں موجود ساڑیاں یا برانڈیڈ کپڑے ان پلیٹ فارمز پر مناسب قیمت میں فروخت ہو سکتے ہیں۔

ماحولیاتی تحفظ میں مدد

اس عمل سے کپڑوں کا کچرے کے ڈھیروں میں جانا کم ہوتا ہے اور ری سائیکلنگ کو فروغ ملتا ہے، جو ماحول کے لیے بھی فائدہ مند ہے۔

ان تینوں پورٹلز Freeup، Gletot اور Etashee میں سے کسی ایک پر آپ اپنے کپڑوں کی تفصیلات درج کر سکتے ہیں۔

تفصیلات اپ لوڈ کرنے کے بعد کمپنی کا نمائندہ آپ کے گھر آکر کپڑے وصول کرتا ہے اور ادائیگی بھی کر دیتا ہے۔ اس طرح آپ کو برتن والے کی طرح کسی قسم کی مول تول کرنے کی بھی ضرورت نہیں پڑتی۔