گھریلو جھگڑے کے بعد نوجوان کی خودکشی

حیدرآباد: گھر میں جھگڑے کے بعد ایک نوجوان نے خودکشی کرلی۔ یہ واقعہ تلنگانہ کے ضلع میڑچل ملکاجگری کے کیسرگٹہ میں پیش آیا۔

مقامی افراد نے بتایا کہ راہل نامی نوجوان نے گھرمیں جھگڑے کے بعد کیڑے مار دواپی لی۔

اس کے والدین نے اس کو فوری طورپر علاج کیلئے دواخانہ منتقل کیاجہاں ڈاکٹرس نے اس کو معائنہ کے بعد مردہ قراردیا۔

مقامی افراد نے کہا کہ راہل نے قریبی دکان سے یہ کیڑے ماردواخریدی اور پاروتی پورم علاقہ میں جاکر اس کو پی لیا۔

پولیس نے اس سلسلہ میں ایک معاملہ درج کرکے جانچ شروع کردی۔