نیٹ امتحان مناسب طورپر تحریر نہ کرپانے کے سبب نوجوان کی خودکشی

حیدرآباد: نیٹ امتحان مناسب طورپر تحریر نہ کرپانے کے سبب 19 سالہ نوجوان نے خودکشی کر لی۔

تلنگانہ کے ضلع جگتیال کے اوٹنورمیں یہ واقعہ پیش آیا۔اس نوجوان کی شناخت جو انگاڈی بازار کے رہنے والے منوج کے طورپر کی گئی ہے۔

وہ پیر کی صبح نیٹ کے امتحان کے بعد اپنے نمبروں کو چیک کرنے کے لئے کی شیٹ کا استعمال کر رہا تھا اور اس نے اپنی کارکردگی سے مایوسی کا اظہار کیا اورپھانسی لے لی۔

منوج کو فورا اسپتال منتقل کیا گیا لیکن ڈاکٹروں نے انہیں مردہ قرار دیا۔ منوج نے حیدرآباد کے ایک ادارہ سے خصوصی طویل مدتی کوچنگ حاصل کی تھی۔