کانپور میں پٹاخہ چبانے سے گائے کا جبڑا دھماکہ سے اُڑگیا

کانپور: ایک آوارہ گائے کا نچلا جبڑا اس وقت دھماکہ سے اُڑگیا جب اس نے کچرے میں پڑا پٹاخہ بم چبالیا۔

واقعہ کانپور کے کاکادیو علاقہ کا ہے لیکن اس وقت منظرعام پر آیا جب بعض لوگوں نے اس گائے کی تصاویر پوسٹ کیں جس کے منہ سے خون بہہ رہا تھا۔

جانوروں کے لئے کام کرنے والے کارکنوں نے گائے کو ڈھونڈا اور اس کی مرہم پٹی کی۔

پولیس سے جب ربط پیدا کیا گیا تو جواب ملا کہ معاملہ ہمارے علم میں آیا ہے اور تحقیقات جاری ہیں۔ کانپور‘ اترپردیش کا صنعتی شہر ہے۔