شمالی بھارت

بی جے پی لیڈر سونالی پھوگٹ کی موت، ہوٹل مالک سمیت 2 گرفتار

پولیس اس معاملے میں پھوگٹ کے پرسنل سکریٹری سدھیر سانگوان اور واسی کو پہلے ہی گرفتار کر چکی ہے۔ دونوں 22 اگست کو بی جے پی لیڈر (42) کے ساتھ گوا پہنچے تھے۔ ان پر الزام ہے کہ انہوں نے اداکارہ کو سنتھیٹک منشیات ملا کر مشروب دیا تھا۔

پنجی: گوا پولیس نے بھارتیہ جنتا پارٹی (بی جے پی) کی رہنما اور اداکارہ سونالی پھوگٹ کی موت کے سلسلے میں ہفتہ کو کرلیز ریستوران کے مالک ایڈون نونس اور منشیات کے اسمگلر دتا پرساد گاؤنکر کو حراست میں لے لیا۔

پولیس اس معاملے میں پھوگٹ کے پرسنل سکریٹری سدھیر سانگوان اور واسی کو پہلے ہی گرفتار کر چکی ہے۔ دونوں 22 اگست کو بی جے پی لیڈر (42) کے ساتھ گوا پہنچے تھے۔ ان پر الزام ہے کہ انہوں نے اداکارہ کو سنتھیٹک منشیات ملا کر مشروب دیا تھا۔

پولیس نے شمالی گوا کے انجونا میں ریستوران کی پہلی منزل کو بھی سیل کر دیا۔ ہریانہ کے حصار کی رہنے والی پھوگٹ کی نعش کو انجونا کے ایک پرائیویٹ اسپتال میں بھیج دیا گیا۔

قبل ازیں یہ اطلاع ملی تھی کہ بی جے پی لیڈر کی موت دل کا دورہ پڑنے سے ہوئی تھی لیکن پوسٹ مارٹم میں ان کے جسم پر زخم کے نشانات پائے گئے تھے۔ گوا کے چیف منسٹر پرمود ساونت نے مجرموں کو جلد سے جلد سزا دلانے کا یقین دلایا ہے۔