دہلی میں لڑکے کا عضوئے تناسل دھاگے سے باندھنے کا واقعہ

نئی دہلی: جنوبی دہلی کے ایک سرکاری اسکول میں ہم جماعتوں نے ایک 8 سالہ طالب ِ علم کے عضو ِ تناسل کو ایک دھاگے سے باندھ دیا۔

طالب ِ علم قدوائی نگر میں واقع اٹل آدرش اسکول میں دوسری جماعت میں زیر ِ تعلیم ہے۔ ہم جماعتوں نے ایک نیلان کے دھاگے سے عضو ِ تناسل کو باندھا تھا، جس کا والدین کو اسے نہلانے کے دوران 28 دسمبر کو پتہ چلا۔

ڈپٹی کمشنر آف پولیس (جنوبی) چندن چودھری نے یہ بات بتائی۔ والدین نے بچے کو ہاسپٹل سے رجوع کیا۔ ہاسپٹل کی جانب سے پولیس کنٹرول کو اطلاع دینے پر پولیس کی ایک ٹیم ہاسپٹل روانہ کی گئی۔

بچے پر ڈاکٹر نظر رکھے ہوئے ہیں، تاہم بچے کی حالت حسب ِ معمول بتائی گئی۔ پولیس معاملہ کی تحقیقات کررہی ہے۔