شمالی بھارت
شادی کے موقع پر کی گئی فائرنگ سے ایک شخص کی موت
سرائے پولیس اسٹیشن میں نامعلوم شخص کے خلاف ایک ایف آر آئی درج کرلیاگیا ہے۔ پولیس کی جانب سے مہمانوں کے ویڈیو فوٹیج کی اسکیاننگ کی جارہی ہے جو کہ ملزم کی شناخت کیلئے موبائیل فونس سے تصاویر لے رہے تھے۔
پٹنہ: ایک شخص جو کہ شادی کی تقریب میں شرکت کیلئے گیا تھا‘ خوشی میں کی گئی فائرنگ کی وجہ سے ہلاک ہوگیا۔
یہ واردات بہار کے شہر چاپرا میں پیش آئی۔ ہفتہ کی رات کو یہ شخص جو کہ شادی کی تقریب میں شرکت کیلئے موضع جلال پور گیا تھا‘شادی کے دوران منائے جانے والے جشن کے دوران کی گئی فائرنگ میں بندوق کی گولیاں لگنے سے زخمی ہوگیا۔
مقامی افراد اس کو صدر ہاسپٹل لے گئے جہاں ڈاکٹروں نے اس کو مردہ قرار دیا۔
مہلوک کی شناخت رمیش یادو کی حیثیت سے کی گئی ہے جو کہ موضع رجالی کا ساکن ہے۔
سرائے پولیس اسٹیشن میں نامعلوم شخص کے خلاف ایک ایف آر آئی درج کرلیاگیا ہے۔ پولیس کی جانب سے مہمانوں کے ویڈیو فوٹیج کی اسکیاننگ کی جارہی ہے جو کہ ملزم کی شناخت کیلئے موبائیل فونس سے تصاویر لے رہے تھے۔
ہمیں فالو کریں
