ضلع کاماریڈی میں طالبات کو دفاع کیلئے تربیت کا فیصلہ

حیدرآباد: ضلع کاماریڈی میں طالبات کو اپنے دفاع کی مفت تربیت دینے کا فیصلہ کیاگیاہے۔اسکولس جانے والی طالبات کے ساتھ ہونے والے منفی واقعات کی روک تھام کے لئے یہ فیصلہ کیاگیا ہے۔

ذرائع کے مطابق عہدیداروں نے اس کو رانی لکشمی بائی سیلف ڈیفینس پریکٹس کا نام دیا ہے۔اس تربیت کے لئے ضلع کے 200 ہائی اور پرائمری اسکولس کے ساتھ ساتھ 19کستوربا اسکولس کا انتخاب کیاگیا ہے۔

طالبات کی تربیت کے لئے ضلعی انتظامیہ اہل ایجنسیوں کے انتخاب میں مصروف ہے۔24جنوری سے اس تربیت کے آغاز کے اقدامات کئے جارہے ہیں۔اس پروگرام کے دوران طالبات کو کراٹے اور کنگ فو کی تربیت دی جائے گی۔