امریکہ، چین سے سرد جنگ کا کوئی ارادہ نہیں رکھتا : صدر بائیڈن

ہنوئی: امریکہ کے صدر جو بائیڈن نے اپنے دورہ ویت نام کے حوالہ سے کہا ہے کہ وہ چین کے ساتھ ”سرد جنگ“ شروع کرنے کی کوشش نہیں کر رہے، انہوں نے کہا کہ ان کا مقصد ویت نام اور دیگر ایشیائی ممالک کے ساتھ امریکہ کے تعلقات کو بہتر بنا کر دنیا بھر میں استحکام کو یقینی بنانا ہے۔

ویتنام کی خبر رساں ایجنسی (وی این اے) کے مطابق ہندوستان میں منعقدہ جی 20 سربراہی اجلاس کے بعد بائیڈن ویت نام کے دارالحکومت ہنوئی پہنچے ہیں اور وی کے پی کے سیکرٹری جنرل نگوین فو ترونگ سے ملاقات کی ہے۔

ویتنام کا پہلا دورہ کرنے والے بائیڈن نے ملاقات کے بعد اپنے بیان میں اس بات پر زور دیا کہ وہ چین کے ساتھ“سرد جنگ”شروع کرنے کی کوشش نہیں کررہے ہیں اور نشاندہی کی کہ ان کا مقصد ویت نام اور دیگر ایشیائی ممالک کے ساتھ تعلقات کو بہتر بنا کر دنیا بھر میں استحکام کو یقینی بنانا ہے۔

انہوں نے کہا کہ انہوں نے اپنا ویت نام کا دورہ چین کو ”گھیرنے“ کے مقصد سے نہیں کیا، بائیڈن نے اس بات پر زور دیا کہ وہ چین کے ساتھ ”تعلقات منقطع نہیں کرنا چاہتے“۔انہوں نے امریکہ اور چین کے درمیان تعلقات کو دوبارہ پٹری پر لانے کے لیے اپنے اخلاص کا اظہار کیا۔

بائیڈن نے کہا کہ چینی صدر شی جن پنگ، جنہوں نے ہندوستان میں جی 20 سربراہی اجلاس میں شرکت نہیں کی، فی الحال کچھ مشکلات سے نمٹ رہے ہیں اور نشاندہی کی کہ شی جنپنگ کو ”معاشی مشکلات“ کا سامنا ہے۔

بائیڈن نے کہا کہ انہوں نے G20 کے دوران چینی وزیر اعظم لی کیانگ سے ملاقات کی اور کہا، "ہم نے استحکام کے بارے میں بات کی، یہ بالکل بھی تصادم کی بات نہیں تھی۔