بی آر ایس کے خلاف تیار کردہ 3 اشتہاری کاریں گاندھی بھون سے ضبط

حیدرآباد: پولیس نے بی آر ایس کے خلاف انتخابی مہم میں استعمال کے لئے تیار کی جانے والی 3 پبلسٹی کاروں کو آج رات گاندھی بھون کے احاطہ سے ضبط کرلیا۔

کل سے تیار کردہ ان گلابی کاروں کے بیانٹ پر بی آر ایس حکومت کے مختلف اسکام بشمول دھرانی پورٹل اسکام‘ جی او III اسکام‘ کالیشورم اسکام‘ آوٹر رنگ روڈ اسکام‘ کوئلہ اسکام تحریر کیا گیا اور کار کا نمبر KCR 420 تحریر کیا گیا تھا اور کار پر کے سی آر کی تصویر بھی پرنٹ کی گئی ہے۔

ان پبلسٹی کاروں کو کانگریس کی انتخابی مہم کے دوران استعمال کرتے ہوئے بی آر ایس حکومت کی بدعنوانیوں کو اجاگر کرتا تھا۔

پولیس کی جانب سے 3 کاروں کی ضبطی کے خلاف کانگریس قائدین نے شدید مذمت کی اور کہا کہ اگر کاروں کو فوری واپس نہیں کیا گیا تو ریاست بھر میں احتجاج کیا جائے گا۔