کرناٹک

شہد کی مکھیوں کا حملہ، ماہی گیر سمندر میں غرق

ذرائع نے کہا کہ مکھیوں کے حملے سے بچنے یہ شخص سمندر کی طرف دوڑا۔ تاہم محفوظ مقام پر پہنچنے سے قبل ہی مکھیاں اس کے جسم سے لپٹ گئیں۔

منگلورو: اڈپی ضلع کے ندی پٹنہ میں مچھلی پکڑنے کے لیے جال پھینکنے کے دوران شہد کی مکھیوں کے جھنڈ کے حملے کی وجہ سے 65سالہ ماہی گیر سمندر میں گرکر غرق ہوگیا جس کی شناخت واسودیوا سالیان ساکن ندی پٹنہ کی حیثیت سے کی گئی۔

ذرائع نے کہا کہ مکھیوں کے حملے سے بچنے یہ شخص سمندر کی طرف دوڑا۔ تاہم محفوظ مقام پر پہنچنے سے قبل ہی مکھیاں اس کے جسم سے لپٹ گئیں۔

شہد کی مکھیوں کے حملے میں زخمی دیگر افراد کا مختلف دواخانوں میں علاج کیا گیا۔ پاڈوبیدری پولیس نے کیس درج کرلیا۔