ملیکارجن کھرگے نے انڈیا اتحاد کے ارکان پارلیمنٹ کا اجلاس طلب کیا

نئی دہلی: پارلیمنٹ کے خصوصی اجلاس سے قبل کانگریس صدر اور قائداپوزیشن راجیہ سبھا ملیکارجن کھرگے نے 5 ستمبر کو انڈیا اتحاد کے ارکان پارلیمنٹ کا اجلاس طلب کیا ہے۔

ذرائع کا کہنا ہے کہ اپوزیشن جماعتیں 18 ستمبرتا22 ستمبرمنعقد شدنی خصوصی پارلیمانی اجلاس کیلئے اپنی حکمت عملی طئے کریں گے۔

کانگریس صدر نے اپنے راجہ جی مارگ والے بنگلہ میں یہ میٹنگ طلب کی ہے۔ پارلیمنٹ کے 5 روزہ خصوصی اجلاس کا ایجنڈہ ابھی تک واضح نہیں ہے۔

اپوزیشن انڈیااتحاد کی جماعتیں ایک دوسرے کے ساتھ مل کرکام کررہی ہیں۔وہ مختلف محاذوں پر اور 2024ء کے لوک سبھا الیکشن کیلئے بی جے پی سے متحدہ ٹکرلینے کا منصوبہ رکھتی ہیں۔