ٹیچرس زمرہ کے ایم ایل سی انتخابات

حیدرآباد: ڈسٹرکٹ الیکشن آفیسر حیدرآباد و کمشنر جی ایچ ایم سی نے آج احکام جاری کرتے ہوئے خانگی اسکولس‘ کالجس‘ یونیورسٹیز کے انتظامیہ سے درخواست کی ہے کہ وہ 13 مارچ کو حیدرآباد‘ رنگاریڈی‘ محبوبنگر ٹیچر زمرہ کے منعقد شدنی ایم ایل سی انتخابات میں حصہ لینے کے لئے فہرست رائے دہندگان میں درج ٹیچرس ودیگر اسٹاف کو اپنے حق رائے دہی سے استفادہ کرنے کے لئے انہیں سہولت فراہم کرے۔

اگرچیکہ مذکورہ کونسل انتخابات کے لئے قانون میں تعطیل دینے کی کوئی گنجائش نہیں ہے اس لئے ٹیچرس کو اپنے ووٹ کا استعمال کرنے کے لئے انہیں ڈیوٹی کے اوقات میں نرمی دی جائے۔

رائے دہی کے اوقات صبح 8 تا 4 بجے شام ہیں۔