ہائی کورٹ سے ریونت ریڈی کو راحت

حیدرآباد: صدر تلنگانہ پردیش کانگریس کمیٹی اے ریونت ریڈی کو آج اُس وقت بڑی راحت ملی جب تلنگانہ اسٹیٹ ہائی کورٹ نے مائی ہوم کے مالک رامیشور راؤ کی جانب سے داخل کردہ ہتک عزت کے دعویٰ کو خارج کردیا۔

رامیشور راؤ نے 90کروڑ معاوضہ دینے کا مطالبہ کرتے ہوئے ہتک عزت کا دعویٰ کیا تھا۔

واضح رہے کہ 2014 میں ریونت ریڈی نے رامیشور راؤ پر ہائی ٹیک سٹی میں غیر قانونی سرگرمیوں میں ملوث ہونے کا الزام عائد کیا تھا۔

انہوں نے چیف منسٹر کی مدد سے ان غیر قانونی سرگرمیوں میں ملوث ہونے کا الزام لگایا تھا جس پر ردعمل ظاہر کرتے ہوئے رامیشور راؤ نے ریونت کے خلاف عدالت میں ہتک عزت کا دعویٰ کیا تھا۔