تلنگانہ میں شدید گرمی کے باعث ایک ہی دن میں 11 افراد ہلاک

حیدرآباد: تلنگانہ میں شدید گرمی کے باعث ایک ہی دن میں 11 افراد ہلاک ہو گئے۔ ریاست بھر میں سورج کی تپش دن بہ دن خطرناک حد تک اضافہ ہورہا ہے۔

نرمل ضلع میں درجہ حرارت سب سے زیادہ 45.2 ڈگری سیلسیس ریکارڈ کیا گیا۔ گزشتہ 24 گھنٹوں کے دوران گرمی کی شدت اور لو لگنے کے باعث مختلف اضلاع میں 11 افراد کی موت ہوگئی۔

ان اموات میں کھمم ضلع سے تین، پداپلی، آصف آباد، سوریا پیٹ، نرمل، کریم نگر، ورنگل، جنگاؤں اور ملگ اضلاع سے ایک، ایک شخص شامل ہے۔

گرمی کی شدت کو برداشت نہ کرتے ہوئے یہ افراد ہلاک ہو گئے۔ محکمہ موسمیات نے عوام سے اپیل کی ہے کہ گرمی کے موجودہ حالات کے پیش نظر خصوصی احتیاطی تدابیر اختیار کریں اور بلا ضرورت دوپہر کے وقت گھروں سے باہر نکلنے سے گریز کریں۔