تلنگانہ: سڑک حادثہ میں دوبہنیں ہلاک

حیدرآباد: تلنگانہ کے محبوب آباد ضلع میں پیش آئے دلخراش سڑک حادثہ میں دو رشتہ کی بہنیں ہلاک ہوگئیں۔

یہ حملہ ضلع کے پیگڈاپلی گاوں کے قریب اُس وقت پیش آیا جب تیزرفتارٹرالی نے ان کی ٹووہیلرگاڑی کو ٹکر دے دی۔مہلوک بہنوں کی شناخت مونیکا اورنوئیا کے طورپرکی گئی ہے۔

یہ دونوں بہنیں اپنی سہیلی کی سالگرہ کی تقریب میں شرکت کے لئے پوگوڑلا پلی جا رہی تھیں۔ دونوں کا تعلق ایک ہی خاندان سے تھا اور وہ آپس میں کزن تھیں۔

اس حادثہ کی شدت اتنی زیادہ تھی کہ دونوں لڑکیوں کی موقع پر ہی موت واقع ہوگئی۔ بتایا جاتا ہے کہ دونوں نے انٹر کے امتحانات میں شاندار کامیابی حاصل کی تھی، جس پر ان کے گھروں میں خوشی کا ماحول تھا، مگر اب اس حادثہ کے سبب گھر میں غم کا ماحول دیکھاگیا۔